Skip to Content

Thursday, October 6th, 2022

به‌راست په‌رله‌مانی داهاتوئه‌كتیڤترده‌بێ‌ ؟!

Closed
by July 5, 2009 گشتی

 هێشتا پڕۆسه‌ی ده‌نگدان بۆ هه‌ڵبژاردنی ئه‌ندامانی په‌رله‌مانی كوردستان ده‌ستیپێنه‌كردوه‌ ،كه‌واته‌ جارێ‌  نازانرێ‌ كێنئه‌وانه‌ی له‌و قۆناغه‌دا ده‌چنه‌ ناوپه‌رله‌مان وپله‌ی ئه‌ندامیه‌تی به‌ده‌ستده‌هێنن.هه‌رچه‌نده‌  سه‌رجه‌م قه‌واره‌سیاسیه‌كان له‌لایه‌ن خۆیانه‌وه‌ لیستی تایبه‌ت به‌خۆیان بۆ په‌رله‌مانی داهاتوپێشكه‌شكردوه‌وكه‌سه‌كانیان بۆ ئه‌ندامیه‌تی په‌رله‌مان دیاریكردوه‌.ئه‌و شێوازه‌ له‌به‌شداریكردنه‌ش وه‌نه‌بێ‌ یه‌كه‌مجاربێ‌ دروستبوبێ‌ ،به‌ڵكو بۆ هه‌ڵبژاردنه‌كانی داهاتوش هه‌مان شێوازپه‌یڕه‌وكراوه‌وهه‌بوه‌.
  له‌دوو قۆناغی رابردودا بۆ هه‌ڵبژاردنی نوێنه‌رانی په‌رله‌مان په‌نابردرا بۆ شێوازی (لیستی داخراونه‌ك كراوه‌)!بۆ ئه‌و قۆناغه‌ش هه‌مان شێواز په‌یڕه‌وده‌كرێ‌ وسه‌پا!!هه‌رچه‌نده‌ بۆ ئه‌م قۆناغه‌ زۆر هه‌وڵدرا كه‌ ئه‌م شێوازه‌ بگۆردرێت بۆ شێوازی (لیستی كراوه‌) به‌ڵام هه‌وڵه‌كان بێئه‌نجام بون ولایه‌نی زۆرینه‌ ده‌نگیان بۆ لیستی داخراودا!!
  ره‌نگه‌ له‌باشترین حاڵه‌تدا بۆ جیاوازیكردن له‌نێوان لیستی (داخراوكراوه‌)دا ،ئه‌وه‌بێ‌ كه‌ بۆ لیستی كراوه‌ هاوڵاتی (ده‌نگده‌ر) ده‌توانێ‌ ده‌نگ به‌ تاكی خۆ هه‌ڵبژاردوبدات ،به‌ڵام بۆ لیستی داخراو ده‌نگده‌ر ده‌نگ به‌لیست ده‌دا نه‌ك به‌ نوێنه‌ر!!كه‌واته‌ ئه‌وانه‌ی ئه‌مجاره‌ش ده‌چنه‌ ناوپه‌رله‌مان وئه‌ندامیه‌تی به‌ده‌ستده‌هێنن نوێنه‌ری راسته‌وخۆی خه‌لكنین وهه‌ڵبژێردراوی حزب وقه‌واره‌ سیاسیه‌كانن!!
  باشه‌ له‌م حاڵه‌ته‌دا ،ئێمه‌ ده‌ڵێین: یا وه‌ك زۆربه‌ی لایه‌ن وقه‌واره‌ سیاسیه‌كان به‌وانه‌شی كه‌ له‌رابردو زۆرینه‌ بون له‌ئێستاوه‌ پێمانده‌ڵێن : په‌رله‌مانی داهاتو له‌هه‌موو روویه‌كه‌وه‌ له‌چاوقۆناغه‌كانی رابردوو ئه‌كتیڤتروباشتروكاراترده‌بێ‌ .باشه‌ ئه‌گه‌ر بپرسین وبمانه‌وێ‌ تێبگه‌ین ئاخۆ له‌به‌رچی له‌م قۆناغه‌دا ئه‌و په‌رله‌مانه‌ ئه‌كتیڤترده‌بێ‌ وئه‌وانیدی ئاوا كارا نه‌بون؟!ده‌بێ‌ بۆ ئه‌و پرسیاره‌ چوه‌لامێكمان ده‌ستكه‌وێ‌ به‌تایبه‌ت له‌لایه‌ن ئه‌وانه‌ی پێشتر زۆرینه‌ بون وئه‌وانه‌ی ئێستا ده‌یانه‌وێ‌ زۆرینه‌بن؟!
  له‌رابردوودا ، لیستی به‌شداریكردن ودیاریكردنی نوێنه‌ره‌كان  به‌پێی له‌به‌رچاوگرتنی ناوچه‌ی جوگرافی  ئاماده‌ده‌كرا وبانگه‌شه‌ی بۆ ده‌كرا ،له‌هه‌نوكه‌دا هه‌مان شێوازخراوه‌ته‌ روو!دیاریكردنی نوێنه‌ره‌كان به‌پێی له‌به‌رچاوگرتنی ناوچه‌ی جوگرافی له‌پێناوچیه‌؟
*ئایا بۆ ئه‌وه‌یه‌ لیسته‌كه‌ له‌ هه‌موو ناوچه‌ جیاجیاكان ده‌نگ به‌ده‌ستبهێنێ‌؟ووانیشان بدات كه‌ هه‌موو ناوچه‌كان له‌به‌رچاوگیراون وبۆیه‌ پێویسته‌ ناوچه‌كان ده‌نگ به‌لیسته‌كه‌ی بده‌ن چونكه‌ نوێنه‌ری ناوچه‌كه‌یان خراوه‌ته‌ ناولیسته‌كه‌وه‌؟
*یا بۆ ئه‌وه‌یه‌ ئه‌و نوێنه‌رانه‌ بتوانن له‌په‌رله‌ماندا داكۆكی له‌ له‌ داواو داخوازی وكێشه‌كانی رۆژوئاینده‌ی ناوچه‌كه‌یان  بكه‌ن؟
  ئه‌گه‌ر ئامانج ته‌نیا كۆكردنه‌وه‌ی ده‌نگی ناوچه‌كانه‌ ،وه‌ك له‌ خاڵی یه‌كه‌مدا خستمانه‌ روو ،ئه‌وا خۆڵكردنه‌ چاوی خه‌لك وكه‌سانی ده‌نگده‌ره‌!!خۆ گه‌ر مه‌به‌ستیش پێشكه‌شكردنی خزمه‌تگوزاری وهه‌وڵدانه‌ بۆ ژیانێكی ئارام وبه‌رژه‌وه‌ندی گشتی وه‌ك له‌خاڵی دووه‌مدا خستمانه‌ روو كارێكی حه‌كیمانه‌ومه‌بده‌ئیانه‌یه‌،بۆیه‌ له‌م حاڵه‌ته‌دا پێویسته‌ كه‌سی  ده‌نگده‌ر ده‌نگ به‌و لایه‌نه‌ بدات كه‌ ئه‌و ئامانجه‌یان خستۆته‌ نێو هه‌گبه‌و سه‌رشانی خۆیان .
  به‌ورد بونه‌وه‌ له‌م دیده‌یه‌ی كه‌ له‌و دووخاڵه‌دا ده‌رمان بڕی وئاماژه‌مان پێدا ،پێویسته‌ هه‌ر له‌ ئێستاوه‌ كه‌سی ده‌نگده‌ر له‌سه‌ر ئه‌و بنه‌مایه‌وه‌ رووه‌وسندوقی ده‌نگدان هه‌نگاوبنێ‌ وویژدانی خۆیی وناوچه‌كه‌ی ئاسوده‌وئارام بكات وده‌نگ به‌و لیسته‌ بدات كه‌ ئه‌و ئامانجه‌ی هه‌یه‌وده‌یه‌وێ‌ له‌سه‌ر ئه‌و رێچكه‌یه‌ خه‌باتی په‌رله‌مانی بنوێنێ‌.
    بێگومان  ئه‌گه‌ر هه‌ر یه‌كێك له‌و لیستانه‌ له‌سه‌ر ئه‌و بنه‌مایه‌ كاربكات وبچێته‌ نێو پڕۆسه‌ی ده‌نگدانه‌وه‌ به‌بێدودڵی ده‌توانێ‌ ده‌نگی زۆرینه‌ مسۆگه‌ر بكات وهه‌ر ئه‌ویشه‌ ده‌توانێ‌ پێمان بڵێت :په‌رله‌مانی داهاتوله‌چاو قۆناغه‌كانیتر ئه‌كتیڤترده‌بێ‌ وده‌بینرێ‌.

Info_balisani@yahoo.com

 

————————————
*یا بۆ ئه‌وه‌یه‌ ئه‌و نوێنه‌ره‌ ده‌ستنیشانكراوانه‌ له‌په‌رله‌ماندا داكۆكیكارونماینده‌ی خه‌لك وناوچه‌كه‌ی خۆیانبن وله‌وێدا بتوانن ده‌نگ وداخوازی وداواكاریه‌كانی ناوچه‌كه‌یان بخه‌نه‌روو خزمه‌تگوزاری له‌رێگای ئه‌و نوێنه‌رانه‌وه‌ به‌یانبكرێ‌ وهه‌وڵی نه‌هێشتن وكه‌مكردنه‌وه‌ی داواكاری وداخوازیه‌كانیان بدرێ‌؟

Previous
Next